Гидрометеорология хизмати марказининг хабар беришича, бугун, 9 декабрь куни Ўзбекистонда ҳаво ўзгариб туради, аксарият ҳудудларда ёмғир, қор ёғади.
Тошкент шаҳрида кучсиз ёмғир ёғиши мумкин. Ҳарорат кундузи 8-10 даража, кечаси 3-5 даража илиқ бўлади.Қорақалпоғистон Республикаси ва Хоразм вилоятида вақти-вақти билан ёмғир ва қор ёғади. Ҳарорат кундузи 3 даражагача, кечаси 5 даражагача совуқ бўлади.Бухоро ва Навоий вилоятларида ёмғир, қор ёғиши мумкин. Ҳарорат кечаси ҳамда кундузи 5 даража илиқ бўлади.

Самарқанд, Жиззах ва Сирдарё вилоятларида ҳам ёмғир, қор ёғиш эҳтимоли мавжуд. Ҳарорат кундузи 5-10 даража, кечаси 2-7 даража илиқ бўлади.

Қашқадарё ва Сурхондарё вилоятларида ҳам кучсиз ёмғир ёғиши мумкин. Ҳарорат кундузи 12-17 даража, кечаси 3-8 даража илиқ бўлади.

Фарғона водийсида эса ёғингарчилик кузатилмайди. Ҳарорат кундузи 5-10 даража, кечаси 2-7 даража илиқ бўлади.